系上年 “剧院式的影音西装 Denon AVR-4520 + DBT-3313UD" 一役中, 小瑟对呢期既天龙真的重拾信心, 而时至 2015 年, 知道 Denon 又有新机 AVR-X5200W 推出, 不过因为知道即将会有一部再劲D既 AVR-X7200W 既关系, 所以小瑟一系唔入, 一入当然希望一步到位啦, 而 X5200W 同 X7200W 究竟多左 D 羊呢? 小瑟简单咁比较过, 明天同大家详谈. 而另外好多朋友都问小瑟, 点解会由前后级系统转回合併式系统, 其实好简单一个原因, 因为小瑟唔希望因为玩多一对 Atmos Enabled Speaker 而再购置多一部 Power Amp, 所以挑选一部顶级旗舰合併机, 将对 AES 交比 X7200W 另小瑟绝对放心呢!!!!^.^
好, 前言就讲完, 依家同大家黎个第一集开箱文分享, 我地一同来睇下呢个箱究竟有羊内容先!!!!^^"
∇盒面 Logo 非常之多, 而小瑟当然最兴奋就系睇呢个 Atmos 既 Logo 啦!!!!!
∇解开第一件 “外套", 六件头, 一眼睇哂~~~
∇Audyssey 收音咪, 唔知大家有冇留意, 原来依家好多品牌已经冇再用 Audyssey, 但其实 Audyssey 非常之强劲的, 由佢来为大家的家庭影院作出空间音色测量就最好不过呢.
呢包就系天线工具勒. AM, FM, WIFI, 都系哂呢包野内呢!!!
开箱文去到呢个位, 又要同大家卖卖瓜子先, 小瑟听日会同大家分享埋 X7200W 既内部肉照
上星期同大家分享左 “终于到我 Denon AVR-X7200W 第一集 – 开箱文" 之后, 大家都系科林留言希望可以有更 DETAIL 的分享, 承蒙大家错爱及支持, 小瑟就特地呢几日不停咁睇戏听歌, 希望可以煲一煲部 X7200W等佢入状态, 亦都借机会好好享受一下久违了十多年前的天龙味道, 其实小瑟系十多年前, 开始搬出来住时的AV AMP就系天龙机, 当年仲好记得同个老友一同到旺角影音(当时仲系女人街口上二楼的年代), 一人一部即买即走咁抬部 AMP 返屋企, 到依家小瑟仲沥沥在目, 印象深刻. 上次小瑟试玩 4520一套西装时, 其实心中都暗暗决定下部AMP一定系天龙架勒, 而去到ATMOS时段, 人人换AMP, 见到有部 AVR-X5200W出世, 价位只系 HKD$15,980, 规格上竟然同上年4520不相上下, 仲要又系 Made in Japan, 心中真系觉得怪怪的, 因为以我估计, 如果系是年旗舰, 价位又点可能万中就可以埋单呢?? 故此小瑟就一定等等等………..
好多朋友都问, 究竟 X7200W 同 X5200W既分别系羊呢?? 小瑟就简单咁了解过二部机既重点分别, 就单声道输出功率来说, 7200系 260W而 5200 系240W(6 ohm, 1 kHz, 10% 1ch Drive), 虽然大家都系 9声道输出, 但 7200 系 (右左分置单声道放大器架构) 而 5200 就系 (全新单声道放大器架构), 7200可以做到自由分配内部放大器功能的, 但 5200 就唔可以了, 而 7200 同 5200 都系同样支援 Dolby Atmos 同 Auro 3D(需付费网上升级)的, DSP同样都系四粒, 而D/A转换器就有分别勒, 7200 系用上七粒 AK-4490 支援 384 kHz / 32 bit, 而 5200 就用上二粒 PCM-1690 支援 192 kHz / 24 bit, 另外系 D.D.S.C. 同 天龙出哂名既 Alpha Processing 都有D分别, 当然最大分别既一定系价钱啦, 7200W卖价 HKD$23,980 而 X5200W就只卖HKD$15,980, 究竟应该选边部大家就可以自行判断勒~~~
∇左为 AVR-X7200W , 右为 AVR-X5200W
宽衣解带上集同大家开完箱之后, 一于今次同大家黎个宽衣解带, 睇睇究竟呢部2015年天龙的旗舰合併式扩音机又有羊睇头先. 就咁照上去, AVR-X7200W同上代 AVR-4520一定, 以置中左右放大器式安排, 过去天龙如POA-3000和AVC-A1XV呢类顶级机种都系採用呢种对称或放大佈局同结构设计, 呢种结构相信系经过天龙多年实证可以确保可以分离及降低相互干扰, 对音色的讯噪减至最低呢. 而 X7200W内置 9 声道功率放大器, 系唔需要加任何 Power Amp时, 可以提供到 5.1.4 Atmos音效比用家, 另外如果另加 Power Amp的话, 就可以完美地提供 7.2.4 最大11.2 声道的家庭影院效果……….小瑟都好希望屋企可以玩到, 不过…..~_~!!!!
中间一大隻Denon自家火牛, 而上面二条就景电子集成电路!!
音效处理晶片
X7200W贵为旗舰, 晶片当然劲抽啦, 用上四粒 SHARC DSP 配置加强处理音效解码既能力, 而为了优化 Dolby Atmos 的音效, 最新的 D.D.S.C.- HD32 架构上採用左四粒 32 bit DSP , 总运算能力达到 1600 MIPS(精简指令集), 而AL32多声道处理, Audysessy MultEQ XT32 Room EQ 和 Denon Link HD 的处理都会用上呢几粒DSP的, 小瑟大既记得系二粒DSP系用于环绕声解码( Dolby Atmos , Dolby True HD , DTS Master MA 等), 而第三粒是用于 AL32 Processing Multi-Channel和 LFE Trim, 第四片就系用于 Post Processing 和 Audysessy MultEQ XT32 Room EQ 处理等等…..
∇另外 X7200W仲有另外七粒 ASAHI KASEI 32 bit DAC AK4490EQ晶片, 设计系独立电路版来为十三个声道作D/A转换, 听讲可以减少 DSP , 网络及 USB输送大量数据时所产生的噪音干扰, 咁就可以提升声道分隔及声音透明度, 其採样频率可以达至384kHz及对应依家极重要的 DSD 11.2 MHz档案架, 听落都好似好坚咁呢!!!!机背写真
∇一个基本的报告又点会冇机背写真呢, 开完内笼之后, 装返好佢就同大家影埋个PAT PAT先啦!!! (以下呢要像素特别大小小, 方便大家睇得仔细D呢!!!^^")
∇Wifi 同 蓝芽已经成为不可少得连线方式, 佢又点会少呢!!!! 小瑟试过用佢来连返手上既 Sony Z3来听歌, KKBOX同JOOX既音质真系可以用一句"无所遁形"来形容呢!!
天龙独家 – Denon Link HD
一个非常之有用独家工具, Denon Link HD又点会少得, 大家可以见到RCA用上唔同既组件, 一睇就知, 又系靓D既呢, 究竟呢个天龙独家技术系羊来呢? 当使用返天龙 DBT-3313 蓝光机同 AVR-X7200W 以 HDMI 连接之后, 再以一条 75Ω(ohm) 接线将二部以连线, 就可以启动 Denon Link HD, 呢个功能就系共享 AVR 的主时钟, 唔好睇少呢个功能, 呢个非常之有效减低 Jitter 产生, 仲可以还原混音时所编录数据音讯, 从而就可以比到更出色准确既定位同层次感. 不过小瑟暂时未有 Denon DBT-3313UD(因为入左呢部已经大出血了!!!~_~), 所以暂时未可以再进一步提升功力, 而且因为要入手呢部机王关系, 小瑟更加要将 OPPO BDP-105D放售……所以暂时小瑟手上就只剩下 OPPO BDP-103在手顶住引先∇Wifi 同 蓝芽已经成为不可少得连线方式, 佢又点会少呢!!!! 小瑟试过用佢来连返手上既 Sony Z3来听歌, KKBOX同JOOX既音质真系可以用一句"无所遁形"来形容呢!!
天龙独家 – Denon Link HD
Dolby Atmos Enabled Speaker 方案好勒, 睇完 X7200W 写真之后, 小瑟当然急不及待地接驳开机先啦, 因为小瑟今次系玩 Dolby Atmos Enabled 方案, 所以整多对喇叭系在所必行, 依家市面上有既 Atmos Enabled 唔多, 要数最强喇叭当然系首选 KEF R50 呢对顶级 AES 啦, 不过小瑟仲食紧树皮, 所以今次真系只可以问 KEF 借来试玩下先, 多得 KEF 各好友帮助, 小瑟好快就可以借到对 R50 返屋企慢慢试, 系度真系要多谢佢地一声呢!!!!
本来小瑟都有D担心究竟我用开既 XQ10点样将隻R50放上去而又唔会跌呢?? 好彩小瑟本身系用钉脚, 所以跟喇叭来既"脚"就一直收埋冇用, 今次终于佢都有用勒!!!
∇虽然好多人都问小瑟点解仲用 XQ10, 不过其实小瑟一直都想转 R100 的, 不过换得 R100又点少得 R200C 呢? 系呢个一阔三大的影响下∇放隻 R50 上 XQ10 有个好处架, 就系喇叭摆位角度易于安排呀
结语
其实呢个小报告对好多已经玩紧 Atmos 既朋友来讲, 绝对系幼稚园级数, 只玩反射喇叭, 仲要玩 5.1 系统, 后置喇叭又唔系人耳水平, 跟依家玩影音的潮流来说绝对系唔够班, 未入流之辈, 不过香港地玩影音就系环境斗士来, 我们往往都要系好多不可能的情况下做到"可能", 就以小瑟当日睇到 Dolby Atmos 出台时, 已经心中暗知出事, 7.1.4, 11隻喇叭?? 唔好玩啦, 小瑟只系梳化后玩四隻后置都未做到, 仲话挂天花喇叭?? 呢个行为绝对系"索尼罪大恶极"啦, 得到中央通过的可能性近乎零…….~_~ 不过好彩 Dolby仲出多个 Enabled Speaker 方案, 以反射方法模拟返个天花喇叭, 都叫做有返小小安慰. 而小瑟以 Denon X7200W 作为自己家庭影院之"大脑"系统, 无非都系比佢 “强悍得来唔霸道, 幼细得来唔吉耳" 所吸引, 不过上年试过 Denon Link HD 一套西装果份稳定而大流量的传真性之后, 就知道下一步入手埋佢既蓝光机已经系冇得选择既一步, 所以小瑟系度真系奉劝各位, 毒海无涯, 回头是岸呀!!!!
